Kíkti í mollið áðan (Álnavörubúðina) og það var svo brjálað að gera að ég hrökklaðist út. Það var svo mikið að gera að fólk var að rífast um hver væri næstur að borga.
Held ég viti ástæðuna afhverju ég fæ innilokunarkennd inní troðinni íslenskri búð en ekki í London þar sem eru kannski milljónir í kringum mig. Íslendingar eru ókurteisir upp til hópa. Enginn hjálpar manni að opna hurð eða heldur henni opinni eða færir sig þó maður sé með kerru eða ungabarn á arminum.
Fáir segja afsakið eða fyrirgefðu þegar þeir eru greinilega fyrir manni og mús. Og oftar en einu sinni hefur búðarkerru verið þrykkt aftan í mig eða á mína kerru og enginn segir múkk bara skessast áfram.  Nei nei allir bara að troða sínum rassi þangað sem þeir ætla sér með truntuskap, jafnt ungir sem gamlir.

Var í bakaríinu í gær og þá var kona komin svoleiðis á kaf inní áruna mína að ég fann andfýluna út úr henni fasta aftan á hálsinum á mér eftir að ég kom heim.
Er ekki til einhversskonar veltigrind sem ég gæti verið í þegar ég fer á mannamót?

Fór í sund í morgun. Geggjað (því það voru svo fáir mættir ) að fara í laugina hérna og það alveg eins og herfa þ.e með hvít grísa augnahár og ísbjarnaaugabrúnir. Hef verið að spara og ekki farið í litun eða plokkun lengi lengi. Nú fer karlinn að flytja heim þannig að það er spurning hvort maður láti slag standa og spreði í svona pyntingar.
Móðir mín og systir eru ákaflega gamlar sálir, miklu eldri en ég held ég. Allavega lesa þær báðar minningagreinarnar í mogganum fram og til baka. Þær spá í hluti sem ég hef aldrei pælt í. Þær eru t.d löngu búnar að plana að ef mamma fer í dauðadá (sem hún heldur að gerist auðvitað einhverntíma) þá á Sigga að plokka hana og halda henni fínni!!! Guð minn góður…….. ég get ekki séð um að gera sjálfa mig huggó þó ég sé með fulla meðvitund - enda var Sigga fengin í þetta djobb en ekki ég.
Ég er búin að biðja hana vinsamlegast að láta mig vita ef hún sér mig einhverntíma með langt búkonuhár á hökunni eða ef ég er andfúl eða pilsið er girt oní brækurnar…… það finnst mér vera svona nokkuð normal milli okkar systra en það er spurning um að bóka hana svona just in case. Ekki vill maður liggja einhversstaðar heiladauð og kafloðin hmmm.

Annars heyrði ég eitt besta kreppuráð sem ég hef heyrt lengi. Sé eftir að hafa ekki notað þetta í morgun í sundinu. En það er auðvitað rugl dýrt að kaupa rakvélablöð eða fara í vax svo nú þykist maður bara vera þýsk jussa. Ja ja gut gut Ich habe ein kreppenmaus……

Tölvan bilaði og það var eins og að missa útlim. Hún varð eftir á hressingarhæli Englandi þar sem hún var löguð. Fáránlegt hvað ég er orðin háð þessu. Reyndar var nú líka gott að taka smá pikkfrí og leyfa puttunum að vinna í garðinum. Er með hlass af mold hérna fyrir utan aaaaandvarp hvað verður gott að fá Tollann minn heim til að hjálpa mér en hann er að flytja heim um mánaðarmótin. Hann er algjör hetja að vilja koma til okkar í miðri kreppu svei mér þá hehe.
Skrifa svo um fríið og fleira fljótlega en hérna er verið að búa til handa mér verkefni - heyri prumpuhljóðin úr stofunni pfffffff

Varð bara að láta vita af mér. Er ekki brunnin til ösku og það hefur engin flóðbylgja eða tamili á Sri Lanka kálað okkur. Ef við værum í hættu væri banameinið trúlega ofát og blóðtappi vegna leti. Maður fer á lappir og rétt svo nennir að bera á sig sólarvörn og drattast í morgunmat - sem er svo vel útilátinn að annað eins hefur varla sést (Við erum að tala um steikur, ameríkst morgunkorn í öllum regnbogans litum, vöfflur, 3 teg af pönnukökum, 10 teg af brauðum og bollum, endalaust álegg og ostar, djúsar, ávextir, jógúrt, japanskar súpur o.s.frv. ), svo fer maður aðeins í sjóinn og dottar undir pálmatré, lummast svo inn í fegrunarblund svo maður verði nú sætur áður en kemur að kvöldverði en fyrst fær maður sér ís eða smávegis snarl í gogginn og svo bjútíblund númer 2.
Það er svakalega dýrt að fara á netið svo ég tími ekki að hanga hér lengur….

Ofboðslega er stutt í þessar andsk…. kosningar. Maður er alveg með drullusting yfir þessu öllu saman, skíthrædd um að landinu verði endanlega siglt í kaf…..
….Sjálfstæðisflokkurinn er eins og sértrúarsöfnuður í Texas sveimér þá. Ég fæ ógeðishroll að horfa á landsfundavideoin og samt fá þeir atkvæði í kassann…..  nóg um það. Ég er að flýja land í mánuð - verð að kúpla út (ætla samt að mæta á kjörstað). Er að fara í fyrsta alvöru fríið okkar í 9 ár. Ef frí skal kalla sýnist ég hafa nóg að gera…… Fyrst London, Soho, Covent Garden, Starbucks, Dim sum og Hyde Park. Svo Bristol, sveitahótel, badmintonmót, hlaðborð með góðum vinum og pub quis. Svo Heathrow og 9 tíma flug á eyðieyju í Indlandshafi þar sem verður slakað, étið, slakað meira, farið í sólbað, drukkið hvítvín, slakað meira og sofið í 3 vikur. Kem til baka hoj og slank, nudduð í spað og barbableik úr sólinni með snjóhvít augnahár. Og plís ekki kommenta um kreppu…. Kreppan can kiss my ass!

ps  er að reyna að pakka….. moonboots og bikini… er það ekki flott saman?

Montimont ég gerði þetta logo fyrir mörgum árum.
Sá þessar myndir á mbl.is áðan. Gaman eftir að sjá þetta svona flennistórt í NY  :)

Flestir vilja lifa lengi, en enginn vill verða gamall. Konur hafa aldrei verið jafn uppteknar af útlitinu (og jú karlar líka) eins og þessa dagana. Allar eiga að vera súpermömmur, tágrannar með flott tvíbökubrjóst og klámmyndastjörnustríðsmálningu í framan alla daga. Líta óaðfinnanlega út hvað sem þær gera, hvort  sem þær eru að baka kökur á kökubasar, sækja ormana í skólann eða drekka kokteila með hinum fallegu vinkonum sínum. (Eins og ég sjálf auðvitað).
Hérna er nýjasta dæmið um barnabók sem kom út á mæðradaginn. Hún fjallar um mömmu sem fær minna nef og minna mitti og verður fallegasta mamma í öllum heiminum.

Þetta er greinilega það sem koma skal og kostar sitt. Nú þarf maður að fara að spara að einhverri alvöru hmm.

Búin að finna svo mikið af fínu fólki sem ég elti á Twitter. Sumir hönnuðirnir eru svo klárir að ég lagðist næstum bara í rúmið af minnimáttarkennd eftir að hafa vanrækt barn og kött því maður gleymir sér alveg að skoða. Svo er gaman að fylgjast með fræga fólkinu líka.

Ef einhver vill elta mig þá er ég hér sem hrundski.

Ætlaði að gera helling í kveld. Var búin að lofa mér að ætla að taka góðan tíma og teikna eða mála. Eftir að elda matinn og étann, mata afkvæmið og þrífa svo upp kíló af über klístruðum hrísgrjónum og grænmeti úr gólfinu, vaska upp, gefa kisu að éta, taka af bleyju, láta renna í bað, þrífa upp piss af gólfinu, veiða nýjar bleyjur og plastpoka uppúr baðinu, baða stubbinn, þurrka stubbinn og bleyjann og klæðann, útbúa hafragraut og stappa banana, gefa kvöldsnarl og mjólk, bursta tennurnar í krakkanum, setjann í rúmið, sækja köttinn sem slapp út uppá hanabjálka uppá svölum, syngja afi minn og amma mín 10 sinnum og trekkja óróann 20 sinnum, leggja stubbann 15 sinnum og henda kisu fram á gang 4 sinnum, þrífa baðdótið og baðið, raða í uppþvottavélina og tína allt dót upp af gólfinu og raða öllum skónum í skóhillurnar……… þá bara nenni ég engu. Helv… leti í manni alltaf hreint

Tengdamamma var að hringja. Óskaði mér innilega til hamingju með daginn???? uhhh ha um hummm… Já eigiði ekki brúðkaupsafmæli…… uhhh ha hvaða mánaðadagur er…. jújú það passar. Við eigum semsagt brúðkaupsafmæli í dag…. 1 ár síðan :) (12 ár síðan við settum upp hringana haha obbosslega tímanlega í þessu öllu) og Úlfur á þá skírnarafmæli. Hér með óska ég okkur til hamingju :D Verð nú held ég að fara úr flíspeysunni og trimmgallanum og í eitthvað huggulegra í tilefni dagsins hmmmm hælaskór og leggings úr Álnavörubúðinni er alveg málið held ég.

Kantskerar voru uppseldir í Byko á Selfossi í fyrrahaust. Spurning hvort þeir séu til núna - maður þarf að fara að huga að vorverkunum.
Vinkona mín deildi því með öllum á fésbókinni hvað henni þætti geggjað að vera búin í braselísku vaxi. Ég viðurkenni hér með að ég hef aldrei farið í svona (þyrfti að láta svæfa mig áður) en þeir segja að súkkulaðivaxið sé best. Ætli sé notað organic 70% súkkulaði?

Alveg hissa að fólk skuli splæsa í þetta í kreppunni en væntanlega eru fermingatilboð á svona stuffi þessa dagana.
Svo eru snyrtistofurnar með SKAPAlón (í orðsins fyllstu) og maður getur fengið sæta mynd hjarta eða eitthvað krúttlegt… kannski kross eða mynd af Jesú fyrir ferminguna….. guð hvað ég er vond….
Ég þekki líka konu sem ætlaði að gera þetta sjálf og spara pening. Hún keypti eitthvað bónusvax í apóteki og bograði svo sjálf við þetta - einhverjar lufsur urðu eftir og eina ráðið til að klára dæmið og gera sig virkilega fína var að láta karlinn slíta síðustu hárin af með plokkara. ÁÁAIIiiiii - og svo segir fólk frá þessu…… Fæ reglulega martraðir þar sem ég sé þau fyrir mér föndra þetta saman hrolllllur…..

Bíð bara eftir að það verði í tísku að vera með almennilega kreppumús og þá fær maður sér sundbol sem nær niður á mið læri.

Hérna gerist mikið og merkilegt fyrir framan gluggann á hverjum degi. Kannski kemur pósturinn, ruslabíllinn eða fugl flýgur hjá…….

Sem betur fer er ég ekki með þrifnaðaræði. Vildi bara sýna hvað erfðaprinsinn var fljótur að drasla til. Tekið ca 5 mín eftir að hans hátign kom úr sínum daglega bjútíblundi. Gólfið var autt áður en hann vaknaði.

Inná myndina gleymdist að merkja u.þ.b 18 stk af Ceerios hringjum.

10 mín síðar var stofugólfið tekið í gegn og núna er það forstofan.

Sagt hefur verið að við systur séum gamlar sálir. Held að hér sé endanleg sönnun fyrir því. Þessi mynd var tekin af okkur um helgina og jújú það er eins og við manninn mælt það er eins og við séum að stilla okkur upp fyrir framan torfbæ ca í kringum 1904 eða þar um bil.
O Sei sei

Fann mynd af mér sem var tekin næsta sumar - hvernig sem það er nú hægt.

Hlakka til að fara að vinna í garðinum.

Ég er voða bissí jummy mömmí hérna og hef lítið bloggað. Var að klára stórt verkefni sem varð til þess að ég vanrækti úlfinn minn. Hann var í lokin farinn að éta allskonar gamlan mat uppúr gólfinu og bíta köttinn. Svo ég ákvað að vera ógurlega góð við hann þegar ég var búin og hann fékk kex og fékk að viðra sig á sprellanum. Hann ákvað aldeilis að hefna sín fyrir síðustu dagana. Ég fór að sækja bleyju og þegar ég kom með hana inn í stofu var stór pissupollur á miðju stofugólfinu. Ég þurrkaði þetta upp og svo typpaðist minn maður hlaupandi um allt hús af gleði meðan ég elti hann með bleyjuna…… þá hringdi síminn. Ég svaraði og þurfti að skoða smávegis í tölvunni og fór svo inn í stofu til að tjékka stráknum og setja á hann bleyjuna og enn með kúnnann í símanum………´óoooooo óooooæææ gólaði ég því þá voru sumir búnir að kúka á gólfið og stíga í lordinn sem var í XL stærð í þetta skiptið.

Eftir að kúkurinn var kominn í tunnuna þurfti litli skítakarlinn að fara í bað. Kisa þarf alltaf að sitja á baðbrúninni og auðvitað datt hún ofan í eins og hún gerði um daginn. Og í staðinn fyrir að stökkva uppúr eins og aðrir kettir myndu gera svamlaði hún í kringum hann og fór að leika sér með baðendurnar og svampinn.

Úlfur setur orðið hraðamet í prakkarastrikum á hverjum degi. Það tekur hann enga stund að gera eitthvað af sér.
Áðan reif hann svo klósettsetuna af kamrinum (við erum að tala um reif hana alveg af og þeytti henni út á gólf ) og sullaði svo í klósettskálinni hinn ánægðasti.

Hér býr skapandi fólk.

Held ég hafi uppgötvað nýja og nokkuð umhverfisvæna uppskrift að vinnuvélalakki eða súperlími.
Skyr + mysingur hrært útum allt. Úlfur uppfinningamaður setti þessa fínu blöndu saman og gerði prófanir.
Fer með þetta í nýsköpunarsjóð og fæ styrk og verð rík og fræg.

Aðrar tilraunir sem hafa farið fram nýlega er lengdarmet jógúrts. En það virðist geta spýst a.m.k 6 metra úr lítilli dós. Dósinni var hent kröftuglega í gólfið og gumsið fór úr eldhúsinu og alla leið inní stofu og uppí bókahillu. Tek fram að þetta var ávaxtajógúrt sem var ekki komið á síðasta söludag.

Síðasta tilraunin er smökkun. Úlfur hefur alfarið tekið að sér smökkun á öllu sem hann nær í. Þar má nefna, tærnar á mömmu hans, skottið á kisu eða löpp, gamalt rúgbrauð, geisladiskar, bækur og tímarit ásamt ógrinni af inniskóm og leikföngum.

Búin að vera hræðilega upptekin af sjálfri mér upp á síðkastið. Hérna er það helsta

Keppti í badminton, fór í göngu, fór í bíltúr, fékk nóg af túristum inná heimilinu, fór til London, át endalaust góðan mat, fór til Wales, ýtti bíl, gisti á sveitabæ með svín fyrir utan gluggann, fór í brúðkaup ofan í gamalli námu, varð kalt, fékk mér ís, varð aftur kalt, dansaði af mér rassinn, drakk rauðvín og kampavín, hitti góða vini, fór í Soho, keypti mér nærbuxur, fór í tubið og strætó og blablblbllbb

Við Úlfur tókum daginn snemma og ég fékk mér snjó í morgunmat og hann gæddi sér á kattasandi…. Engar kaloríur fyrir hádegi á þessum bæ.

Komst í Diesel gallabuxurnar mínar í gær……. Held eg hljóti að hafa keypt þær árið 2000 eða 2001 og þá of litlar því ég ætlaði að passa í þær. En jú jú minn tími mun koma….. og hann er kominn. Verst hvað helv…. buxurnar eru ljótar og púkalegar og alveg klárlega ekki í tísku lengur.
Og fyrir þá sem vilja vita þá borða ég klukkan sex. IKEA spegillinn sem ég á er eiginlega eins og spéspegill og lætur mann mjókka niður…… í nokkur ár hélt ég að ég væri með mjóa kálfa……….þangað til ég sneri honum við.