Ojæja nóg um það……… best að fara að taka til.

En út í allt aðra sálma. Ég fór í gær og keypti heimsins stærstu ljósaperu. Er næstum jafn stór og karlrembudrengurinn. Fór hingað í Innigarða og nú langar mig bara að rækta grænmeti í allan vetur og hafa svona perur um allt hús. En miðað við rafmagnsverðið á næstunni held ég að maður tími því ekki. Tómatarnir mínir voru farnir að fremja sjálfsmorð og detta af óþroskaðir og grænir og leiðir. Læt fylgja með mynd af einum……

Ég er ekki svona barnakelling. Sum börn finnst mér bara ljót og leiðinleg og ég sá eitt svoleiðis barn þarna í dag. Ógeðslega leiðinlegt frekjubarn. Skil vel að mamman hafi skilið hann eftir þarna í passi meðan hún fór og fékk sér kaffi ….. eða fór í ríkið. Getur örugglega ekki beðið eftir að geta sent hann í sumarbúðir eða bara út sem skiptinema, og þá eitthvað langt, langt í burtu.
Heppin ég að eiga sætt og fallegt, klárt og undur skemmtilegt barn þó hann sé ekki sá skemmtilegasti í verslunarmiðstöðvum…. ég er það ekki heldur… of mikið af fólki inní árunni minni, hávaði og mannaþefur.

En það var gaman að sjá brosið á dúllanum mínum þegar hann var að klifra og leika við hina apana……….. svona get ég nú líka verið væmin…..

Annars er ég að verða óttaleg amish kona sveimérþá. Drengurinn fór loksins í leikskólann og þá tók við uppskeruhátíð hér á bæ. Búin að taka upp kartöflur, týna baunir, tómata, kryddjurtir og ber, skera kúrbít og gúrkur og sulta eins og vindurinn.

Við Úlfur brugðum okkur til London í 10 daga. Mikið er ég nú fegin að við ákváðum flutningana heim á sínum tíma. Get ekki borið saman að vera með stráksa hérna í sveitinni eða London. Samt er alltaf eins og að koma heim þegar ég kem út. Sérstaklega þar sem Tolli býr aftur í gamla góða Raynes Park. Ég sá meira segja Tarzan minn aftur þar sem hann dýfði sér ofan í ruslatunnurnar í hverfinu að leita að dagblöðum. Ekkert hefur breyst. Ennþá óþolandi mömmurnar á starbucks á morgnana með hundleiðinlegu börnin sín (tel mig og Úlf þar ekki með), sömu matsölustaðirnir og sama fólkið.
Hitti vini, fór í badminton, eyddum heilum degi í Kew blómagarðinum, fór alein í búðir og át sushi í friði og ró, knúsaði karlinn minn, fór í Wimbledon, keypti dót handa Úlfi, hitti Jóhönnu og slúðruðum, varð hundblaut í rigningu, keypti regnkápu og þá hætti að rigna, steiktist í sólinni, týndi epli, át dim sum og allskonar geggjaðan mat, fórum í lestarferðir o.fl o.fl.
Þegar ég man eftir að kaupa mér lottómiða og vinn svo á hann kaupi ég mér íbúð í London. Er svo frek að ég vil geta búið á báðum stöðum þegar mér hentar.

Jæja gott fólk nú eruði vitni að því að ég er hætt að naga neglurnar!!!
Hræðilegt að vera orðin fín frú og með nagaðar neglur uppí kviku. Margir hafa ráðlagt mér að fá mér gel neglur. Ég hef tvisvar reynt það og fékk svona köfnunartilfinningu. Ógeðslegt alveg. Þykkt og svo náði ég bara að naga endana þannig að þær losnuðu af og skildu eftir enn ljótari neglur undir en nokkru sinni áður. Ég get ekki einu sinni sett á mig naglalakk án þess að finnast ég vera að kafna.
Svo er annað sem mér klígjar við svona neglur…. skíturinn undir þeim ojbara. Oft hef ég tekið eftir þykku drullulagi undir nöglunum hjá konum sem t.d afgreiða mig. Þá finnst mér nú bara stubbarnir mínir huggulegri.
Ég man að ég nagaði líka á mér táneglurnar þegar ég var yngri. Næ ekki lengur þangað….. því miður.

En allavega nú er mælirinn fullur. Er gersamlega að drepast í puttunum búin að naga eins og vindurinn og lenti í því að missa tíkall í gólfið í bakaríinu og ég náði honum bara alls ekki upp sama hvað ég krafsaði.

Ætla að kenna alveg Siggu systur um hvernig er komið fyrir mér en ég er búin að naga extra mikið undanfarið því ég vissi að það kæmi að kveðjustund. Snifff snöööft. Nú er hún flutt til Danmerkur með allt sitt hyski og ég get byrjað að safna nöglum og farið í fínufrúarleik.

Bósi Ljósár og Bubbi Byggir eru diggir hlustendur á þessum hátíðlega upplestri. Vinsælasta bókin er Herra Hnýsinn.

Er allt of feimin til að hafa einhverja kokteilopnun og vesen…… þetta er bara þarna…. og svo er auðvitað alltaf heitt á könnunni hjá mér ef einhver vill reka við :)

Fór til Ingu ömmu minnar í gær. Hún er 103ja ára, 104 á þessu ári.
Meira um það hérna. (2. júlí).

Læt hérna fylgja með mynd af mér nývaknaðri og upplýsi hér með hvað ég nota í hárið á mér…….. NIVEA krem ! Þetta gamla góða í bláu dollunum. Vissi ekki að ég gæti verið svona óskaplega falleg fyrir hádegi.

Hérna er fyrsti kúrbíturinn sem kom úr gróðurhúsinu í gær.

Tolli er miður sín og finnst þetta mjög óþægileg mynd……..