Tímavél óskast gefins á gott heimili

Sko vill einhver hnippa í mig í október á næsta ári og minna mig á að þá ætla ég að klára að skrifa jólakortin, kaupa allar gjafir og jólatréð og baka smákökurnar……. ég er ekki búin eða byrjuð á neinu af þessu…… og það er 22. des garrrggggg arrggggg…..

Ég ætlaði að vera über snemma í gjafapakkanum og er löngu búin að redda gjöfunum og komu þær allar til landsins 15. des í einum pakka. En….. Pósturinn er alveg að drulla uppá bak því ég er ekki enn komin með þetta í hendurnar og á eftir að pakka þessu inn og senda útum allt gaaarrrggggggggggggggggg. Pakkinn virðist nú samt vera á Selfossi samkvæmt nýjustu fréttum og búinn að vera þar síðan 19. des grrrrrrr
Er pósturinn á Selfossi ekki á kraftmiklum hnakkabíl með sportröndum og spoiler? – hann ætti að geta truntað þessu þá til mín sem fyrst.

Jæja nóg af röfli í bili.
Hérna er svo mynd af litlu systur hans Úlfs en hún var ættleidd í fyrradag.

Get held ég ekki kallað hana Rauðhettu. Yrði þá næst að eiga þríbura og yrðu þeir kallaðir grísirnir þrír……hmmm